دعاء الوالده بالكصة

╭━─➤░░ ≡ 𝑾𝑬𝑳𝑪𝑶𝑴𝑬 𝑻𝑶 𝑨 𝑵𝑬𝑾 𝑩𝑳𝑶𝐺⏝‌

╰─╮𝙷𝙾𝚆 𝙰𝚁𝙴 𝚈𝙾𝚄? ∞ 𝙸 𝙷𝙾𝙿𝙴 𝚈𝙾𝚄 𝙰𝚁𝙴 𝙵𝙸𝙽𝙴

‹⌇ #⃞ 𝕹𝕰𝖂 𝕭𝕷𝕺𝕲 𝖂𝕴𝕿𝕳 𝕬 𝕹𝕰𝖂 𝕴𝕯𝕰𝕬.鸂

  ꒰:: 𝕃𝔼𝕋\'𝕊 𝕊𝕋𝔸ℝ𝕋 with you Fodꪫꦾ .ʿ𖠄‌

ྀ⏝ ི⋮ ྀ⏝ ི⋮ ྀ⏝ ི⋮ ྀ⏝ ི⋮ ྀ⏝ ི⋮ ྀ⏝ ི⋮ ྀ⏝ ི

#لجنة_الاختبارات

#اكاديمة_التعليم

[رابط الحلقه| https://youtu.be/7qgm6D_HgPo?si=jH692Df4gCczcvGA ]

حيدر : اهوووو خرب بحظي المجلوب هذولي شجابهم كدامنه و انوب سندس ابد ما تشتهي تفيك خل نغلس بلكي منشوفهم كدامنا

سندس : هلو هلو شلون صدفة حلوه نقابل عائلة حيدر و مريم بلمول صارلنه زمن ما شايفيكم شلونك حيدر شلونج مريم البذاته الي متسئل و لا تتصل

مريم : و شعندي عيني اتصل ما رايده روحي لو اريد ادور مشاكل

ᴥ♪☯ᴥ♪ᴥ♪☯

سندس : شدعوه عيني على كيفج تره حتى مصارين البطن تتعارك رحنه وله اجينه احنه اقارب

مريم : لاعيني احنه مو اقارب احنه عقارب وانتي

حيدر : لا مريم مو هيج الحجي همه زباله احنه خوما نصير مثلهم زباله اهلا و سهلا بيج سندس انته سقراط بعدك تشيل علاليك مرتك

سقراط : حياتي حيدوري العيشه تتطالب واحد لو بيده جان

سندس : يوو عيني چان شسويت حسابك بالبيت اني مية مره كتلك لا تحجي و اني موجوده اسكت شكلك تعرعر اكبر واحد يلا ما علينه انتو شو جايين متاخرين

مريم : لا عيني احنه جايين من العصر و راح نروح و خلصنه بعد

سندس : لعد شعجب ايد وره و ايد كدام لو كالعادة انتو حدايق بس تباوعون بعينكم و تفرفرون برجليكم وترجعون

ᴥ♪☯ᴥ♪ᴥ♪☯

مريم : اصلا اشترينه و كومه شغلات بس احنه منحب نتعب نفسنه العمال راح يوصلوهن للبيت

سندس : خوش بطه تلعب شناو يوصلوهن يلا ما علينه اوصلكم بسيارتي لو اشتريتو سياره

حيدر : لا والله ما اشترينه سياره و اذا توصلينه تسوين علينه فضل

سندس : لا عيني ما اكدر اوصلكم خاف توصخون السيارة اتمشو المشي رياضه ها ها ها ها ها

مريم : حيدر اكعد اكعد لا تنام والله حرام شفرق عنها اني شنو هل ضلم هم بيت و حيدها و سياره و عدها و رجلها على كلبها شتأشر يجيبلها

حيدر : حياتي انتي عليمن ضايجه انتي بس اشري و اني اجيبلج

مريم : شأشر بصل اني شكلك انته تكلي معندي

حيدر : هسه علينا بالجديد و كولي و امري و يجيج ليمج

مريم : اريد سياره مثل العالم ما عدنه

حيدر : باجر احلا سياره ام الريموند اجيبلج

مريم : شنو انته كاعد تضحك عليه والله اذا ما تشتريلي سياره والله والله احرك نفسي

حيدر : دنامي حياتي و باجر الصبح اني اروح للمعارض و اشتريلج سياره و اشبعج طلعات و طبات و ما اخلي مكان ما اوديج اله

ᴥ♪☯ᴥ♪ᴥ♪☯

مريم : باجر مو بعيد انشوف و بين الصدك و الجذب اربع اصابع

حيدر : دنامي نامي والله كريم

حيدر : مريم مريم مريم

ام حيدر : ها خير يمه شبيك داخل تصيح على ست الحسن اكعد شويه اخذلك نفس شرايد منها

مريم : ها حيدوري شتريد

حيدر : حياتي حلمج تحقق و جبتلج احله سياره و لونها احمر بناتي

ام حيدر : بناتي كورت عينك مشتري سياره و حمره فوكاها

مريم : صدك حيدوري وينها خل اشوفها

حيدر : دباعي من الشباك و شوفيها

مريم : الله هاي تخبل السياره اموت عليها ما اعرف شلون اشكرك حيدوري يا احله زوج بلدنيا

ام حيدر : هوه من ناحية زوج فهوه زوج لن اخذج انتي

مريم : ها عمة بدت رحمه الله من هسه كمتي شمرين حجي

ام حيدر : يمه البعبه صخل يمعمع اني يمج كرباج اني كاعد احجي ويه نفسي لو حتى الحجي حرام بهل بيت

حيدر : ها راح تبدن بل مناكر يلا مريم انتي روحي بدلي خل نروح ناخذلنه فره بلسيارة الجديدة

ᴥ♪☯ᴥ♪ᴥ♪☯

مريم : صار حياتي فرريره دقيقه و تلكاني جاهزه

ام حيدر : ولكم لو مربيتلي صخله چان من كبرت انطتني شويه حليب ابني العوز بدل ما تاخذ امك المره الچبيره البركه تفرها وياك تعوفني و تاخذ مرتك هاي السعلومه

حيدر : لا يمه لا تكولين هيج باجر اخذج و افرج بس هاي قنه قينه

خل افرها اليوم و باجر الج

ام حيدر : الج ابو السهم احسن جيره بفركي على هيج خلفه

مريم : يلا حياتي اني جاهزه امشي

ام حيدر : يا الهي و انت جاهي خلي الشارع زحمه و السيارة تحمه و لا يشوفون رحمه و خلي مريم توصلي للبيت فحمه امين يا رب العالمين

مريم : الله هاي شنو بيها جهاز انذار يله احسن علمود نفيك بيها كدام العالم

حيدر : ولج تعاي هاي مو سيارتنه

مريم : لعد ياهي سيارتنه الجديدة حيدر

حيدر : هاي سيارتنا العنجوقه الي اني واكف يمها

مريم : شنو شنو اييييع كانها قوطيه ببسي مجعوصه

حيدر : شلونج عيني يالمرعوصه ما عاجبج ارجعها و اشتري علج بوبي بمكانها

مريم : عزززااااااا لعد بيش مشتريها

حيدر : اني ما مشتريها همه انطوني فلوس علمود اخذها و لا دوخيني تجين لو لا

مريم : اجي عمي اجي على كولة ابو المثل السياره التجيك منها ريح اصعدها و استريح

حيدر : يلا امشيلنه خل نديح

ᴥ♪☯ᴥ♪ᴥ♪☯

₊·⁺𝐓𝐇𝐄 𝐄𝐍𝐃 ₎₎

╭─────▭▭▭──────╮ㅤ

〻𝐇𝐎𝕡𝕖 𝕪𝐨𝐮 𝐥𝐢𝐤𝗲𝗱 𝗶𝘁 :telephone_receiver: ༘ ུ

⌗𝗦𝗘𝗘 𝗬𝗢𝗨 𝗦𝗢𝗢𝗡Ꮺ

–꒰𝕭𝘆𝗲 𝕭𝐲𝐞 ᭝𖧧‌.

╰──────⫍⫎──────╯ㅤ