أجعـل وقتڪ فرحة وليست حـزن

╭˚₊ ⊹ ᥫ᭡ ༘⋆

┃ هون مو بس مساحة كلام...

┃ هون بوح، وحنين، ولقطات من روحنا.

┃ فتّح قلبك، وخلي كل كلمة توصلك.

نحنا حاليا بهالتطبيق عم نعيش لحظات يمكن ما ننتبه لقيمتها هلق بس بعدين بتصير ذكرى منلتقي باشخاص بعضن بيقطعوا متل نسمة ربيع بيجوا وبيمرو وبتضل طيفن حاضر لو ما عاد في حكي في ناس منرتاحلن من اول كلمة ومنصير نحكي ونضحك كاننا منعرفن من سنين في ناس منحبن بلا ما نعرف ليش وفي ناس مرقوا وما لحقنا نحبن

𖥔 ݁ 𓏲₊˚⊹♡

في ناس بيفوتوا بحياتنا وبيتركوا بصمة يمكن بكلمة، يمكن بضحكة، او حتى بوجع منكون عم ندور على شي منلاقي شي تاني واحيانا منكتشف حالنا نحنا قبل ما نكتشف غيرنا. بهالمكان صار في لحظات صغيرة بتلمع متل نجوم بالليل منها اللي بتبقى ومنها اللي بتختفي بسرعة.

𖥔 ݁ 𓏲₊˚⊹♡

منعيش حكايات قصيرة بس الها طعم الها احساس. اوقات منرتبط اوقات منبتعد واوقات منخسر بدون ما نفهم السبب. بس رغم كل شي منضل نرجع لهون كانو في شي بيربطنا كانو هالتطبيق صار دفتر يوميات الكتروني بنكتب فيه عن ناس مرقوا عن شعور حسيناه عن لحظة حب او خيبة او حتى امل جديد.

𖥔 ݁ 𓏲₊˚⊹♡

في ذكريات ما بتروح بتصير جزء منا وبتصير كل مرة منشوف فيها اسم او صورة او رسالة قديمة منرجع نعيش القصة من اولها منبتسم منتحسر بس ما منندم لانو كل شي عشناه خلانا نكون نحنا هلق. وبس نطلع من هالمكان يوم يمكن ننسى الاسامي بس ما رح ننسى الاحساس.

╭˚₊ ⊹ ᥫ᭡ ༘⋆

┃ وبتخلص الحروف، بس الاحساس بيكمل...

┃ شكراً لمروركن وجودكن هون مو عابر.

┃ كل ذكرى كتبناها سوا الها محل بالقلب.

╰┈➤ #ملوك_الفن_والعشق

#خلي_اللحظة_تحكي ♡